Kur gaismeņa zyla ausa, kur sauleite lēce,
myus muoseņa skaista auga, i tauteņas brauce,
myus muoseņa skaista auga, i tauteņas brauce.
Cīma suņi rēje, tauteņis brauce,
zvoni vīni saskanēja munā tāva pogolmā,
zvoni vīni saskanēja munā tāva pogolmā.
Siermi zyrgi sagrūžuoti sudrabeņa īmavim,
kamaneņas izraksteitas speid ar zalta zīdeņim,
kamaneņas izraksteitas speid ar zalta zīdeņim.
Tautu dālsi kai kundzeņis skrullātimi mateņim,
skrullātimi mateņimi, mozim spūžym zuobokim,
skrullātimi mateņimi, mozim spūžym zuobokim.
Viera durvis spiera sūli, lobu dīnu deve.
Voi at dūsi sov muoseņu, mes tī precinīki?
Voi atdūsi sov muoseņu, mes tī precinīki?
Vīna poša myus muoseņa i tei vēļ par jaunu,
jei vēļ dzeivuos pīci godi sovā tāva sātā,
jei vēļ dzeivuos pīci godi sovā tāva sātā.
Gona bruoleit tovu runu tei nav gona tīsa,
koč es jauna, bet gotova īt ar tautom leidza,
koč es jauna, bet gotova īt ar tautom leidza.